Umumiy maʼlumot
Pineal soha oʻsmalari miya oʻsmalarining juda kam uchraydigan turidir. Miya ствоli (ustuni) orqasida joylashgan pineal bez miyaning markazida shakllanadi. Ular pineal bezda yoki uning atrofidagi toʻqimalarda boshlanadi. U uyquni boshqaradigan melatonin gormonini ishlab chiqaradi. Miyaning ushbu sohasidagi oʻsmalar miya-orqa miya suyuqligining oqimiga toʻsqinlik qilishi yoki uni bloklashi mumkin. Miya-orqa miya suyuqligi bosh miya va orqa miyani oʻrab oladigan va himoya qiladigan suyuqlikdir.
Bu miya-orqa miya suyuqligining miyaning muayyan qismida toʻplanishi va bloklanishiga olib kelishi mumkin. Oqibatda bosh miya ichidagi bosim oshishi mumkin. Bosim oshishining ayrim umumiy alomatlari qatoriga bosh ogʻrigʻi va oʻzini yomon his qilish kiradi.
Pineal soha oʻsmalarining turlari
Pineal sohadan kelib chiqishi mumkin boʻlgan turli xil oʻsmalar mavjud. Biroq asosiy turlari quyidagilardan iborat:
- Germinoma deb ham ataladigan germinativ hujayrali oʻsmalar
- Pineal bez oʻsmalari deb nomlanuvchi, pineal bezda boshlanadigan oʻsmalar.
- Oʻsmalar pineal bez ichida yoki uning atrofidagi tayanch hujayralar sifatida ham rivojlanishi mumkin. Ular glioma deb ham ataladi.
Pineal soha oʻsmalari uchun zarur boʻlgan tekshiruvlar
Pineal soha oʻsmalarini tashxislash uchun baʼzi tekshiruvlar tavsiya etiladi. Jarroh oʻsimtaning hajmi va uning aniq joylashgan oʻrnini tekshiradi. Bu davolash rejasini tegishli tarzda tuzishga yordam beradi. Ushbu tekshiruvlarga quyidagilar kiradi:
- MRT tekshiruvi
- KT tekshiruvi
- Oʻsimtadan biopsiya olish
- Qon tahlili
Bosh miya va orqa miyani oʻrab turgan suyuqlik namunasini olish
Baʼzi germinativ hujayralar qonda mavjud boʻlib, ular qon tahlilida namoyon boʻladi. Bular oʻsimta markerlari deb ataladi. Germinativ hujayrali oʻsimtani tasdiqlash uchun quyidagi qon tahlillari talab etiladi:
- Alfa-fetoprotein
- Odam xorionik gonadotropini
Pineal oʻsimtani jarrohlik yoʻli bilan davolash
Pineal oʻsimta uchun uchta asosiy usul quyidagilardan iborat:
Jarrohlik: Jarrohlik pineal oʻsmalarni davolashning asosiy usuli sifatida qaraladi. Jarrohlar bosh suyagining kichik qismlarini olib tashlash va oʻsimtaga kirishish usuli sifatida kraniotomiyani amalga oshiradilar. Jarrohlik xavfsiz (benign) oʻsmalarni davolashda muvaffaqiyatli natija beradi. Ammo xavfli (malign) va rivojlangan turdagi pineal oʻsimta uchun atrofdagi toʻqimalarga zarar etkazmasdan butun qismini olib tashlashga urinish murakkabliklar va xavflarga toʻla. Jarrohlik amaliyoti davomida oʻsimtaning ayrim qismini olib tashlash boshqa davolash usullarining samaradorligini oshiradi.
Radioterapiya: Jarrohlikdan keyin amalga oshiriladi yoki pineal oʻsmalar uchun asosiy davolash usuli hisoblanadi.
Ushbu davolash usuli germinativ hujayrali oʻsmalarga nisbatan samarali hisoblanadi.
Kimyoterapiya: Bu oʻsimtaga taʼsir qiluvchi samarali kimyoviy dorilar bilan davolash tavsiya etiladigan terapiya hisoblanadi. Kimyoterapiya radioterapiya oʻrniga yoki radioterapiyadan keyin tavsiya etiladi.
Pineal soha oʻsmalarini davolash
Davolash oʻsimta turiga bogʻliq boʻladi.
Germinativ hujayrali oʻsimtani davolash radioterapiya yoki kimyoterapiya va radioterapiya kombinatsiyasi yordamida amalga oshiriladi. Bu baʼzi bemorlarga kerak boʻlgan yagona davolash usulidir. Baʼzi insonlarda oʻsimtani olib tashlash imkoniyati ham boʻlishi mumkin.
Germinativ hujayrali oʻsimta qaytalangan taqdirda, ularda kimyoterapiya va radioterapiya qoʻllanilishi mumkin.
Pineal bez oʻsmalarini davolash
Davolash asosan pineal bez oʻsimtasining turi va darajasiga qarab rejalashtiriladi. Pineotsitoma uchun jarrohlar odatda oʻsimtani iloji boricha koʻproq olib tashlaydilar. Jarrohlik amaliyotidan soʻng shifokoringiz oʻsimtaning qaytalanishining oldini olish uchun radioterapiyani tavsiya qilishi mumkin.
Pineal oʻsmalarning alomatlari
Inson boshdan kechirishi mumkin boʻlgan bosim ҳissi pineal oʻsimta alomatlari bilan bogʻliq. Eng koʻp uchraydigan alomatlardan biri gidrosefaliya deb ataladigan holatdir.
Gidrosefaliya miyada miya-orqa miya suyuqligining toʻplanishiga olib keladigan holat boʻlib, u bosimning oshishiga olib keladi va bir nechta alomatlarga ega, masalan:
- Erta balogʻatga yetish belgilari
- Xira yoki ikki boʻlib koʻrinish (diplopiya)
- Bosh ogʻrigʻi
- Xotira muammolari
- Koʻngil aynishi
- Past muvofiqlashtirish va muvozanat
- tutqanoqlar (talvasa)
- Uyqu bilan bogʻliq muammo
- Noodatiy koʻz harakati
- Qayt qilish
Hindistonda pineal soha oʻsmalarini davolash narxi
Hindiston yengildan oʻrtachagacha boʻlgan barcha holatlar bilan bogʻliq barcha muolajalarni taqdim etuvchi tibbiy davolanish va xizmatlar markazi hisoblanadi. Eng yaxshi neyroxirurglar va tibbiyot xodimlari oʻz sohasidagi eng yaxshi davolanishni taʼminlaydilar. Hindistonda pineal soha oʻsmalarini davolash narxi boshqa mamlakatlarga nisbatan arzon va qulaydir.
Biroq, davolanishning umumiy qiymati bir qancha omillarga qarab farq qilishi mumkin. Bu omillarga jarrohning tajribasi, implant turi, shifoxonaning joylashuvi va boshqalar kiradi.
Xulosa
Pineal oʻsmalar – bu pineal bezda yoki miyaning pineal sohasi atrofida shakllanadigan oʻsmalar turi.
Miyaning ushbu sohasidagi oʻsmalar miya-orqa miya suyuqligining oqimiga toʻsqinlik qilishi yoki uni bloklashi mumkin. Miya-orqa miya suyuqligi bosh miya va orqa miyani oʻrab oladigan va himoya qiladigan suyuqlikdir.
