Umumiy koʻrinish
Endovaskulyar spiral qoʻyishanevrizmaga qon oqimini toʻxtatish uchun ishlatiladi. Boshqacha qilib aytganda, anevrizma – arteriya devorining zaiflashgan sohasi. Endovaskulyar embolizatsiya deb ham ataladigan ushbu muolaja ana shu muammoni bartaraf etish uchun bajariladi. Agar anevrizma yorilib ketsa yoki shikastlansa, qon ketishi va miya shikastlanishi tufayli hayot uchun xavfli holat yuzaga keladi. Shuning uchun anevrizmaga qon oqimining oldini olish uning yorilib ketishi yoki shikastlanishining oldini olishga yordam beradi.
Muolajani bajarish uchun tibbiyot xodimlari endovaskulyar spiral qoʻyish maqsadida son arteriyasiga kateter deb ataladigan yupqa naychani kiritadilar. Shundan soʻng kateter zararlangan miya arteriyasiga yoʻnaltiriladi va spiral oʻz joyiga oʻrnatiladi. Kateterni arteriya boʻylab boshqarishda rentgen tasviri yordam beradi. Spirallar yumshoq platina metallidan yasalgan boʻlib, prujina shakliga ega. Bundan tashqari, spirallar juda kichik va yupqa shaklda boʻladi. Baʼzida spirallarning anevrizmadan chiqib ketishining oldini olish uchun ularga qoʻshimcha ravishda stentlardan foydalaniladi.
Bundan tashqari, Hindistonda endovaskulyar spiral qoʻyisharteriyovenoz malformatsiyalar deb ataladigan holatlarni davolash uchun ham qoʻllaniladi. AVM – bu arteriya va vena oʻrtasida gʻayritabiiy bogʻlanishni keltirib chiqaradigan qon tomirlari chigallashuvi. Shunisi eʼtiborga loyiqki, bu holat miya yoki orqa miyaning istalgan qismida yuzaga kelishi mumkin.
Kimlar endovaskulyar spiral qoʻyish uchun nomzod hisoblanadi?
Endovaskulyar spiral qoʻyish – anevrizmaga qon oqimini toʻxtatish hamda uning yorilishi va qon ketish xavfini kamaytirishda foydali boʻlgan kam invaziv muolaja.
Spiral qoʻyish maʼlum holatlar aniqlangan bemorlarga tavsiya etilishi mumkin, ularga quyidagilar kiradi:
Yorilgan anevrizma: Agar anevrizma yorilsa yoki shikastlansa, u miya va bosh suyagi orasidagi boʻshliqqa qon chiqarib yuboradi va subaraxnoidal qon ketishini keltirib chiqaradi. Shu sababli, dastlabki miya qon ketishidan keyingi ilk 14 kun ichida yana qon ketish xavfi solishtirma ravishda yuqori boʻladi. Bunday holatlarda spiral qoʻyish kabi zudlik bilan davolash choralarini koʻrish shart.
Yorilmagan anevrizma: Aevrizmalarning aksariyati alomatlarni keltirib chiqarmaydi, ular odatda miyaning tasviriy tekshiruvi (skanerlash) davomida aniqlanadi. Yorilmagan anevrizma uchun uning hajmi, joylashuvi va yorilish xavfini oshiradigan boshqa omillarga qarab spiral qoʻyish kabi davolash usullari koʻrib chiqilishi mumkin.
Endovaskulyar spiral qoʻyishning xavflari
Eng koʻp uchraydigan xavflardan biri rentgenda anevrizmani aniqlash uchun ishlatiladigan boʻyovchi moddaga (kontrastga) nisbatan allergik reaksiya yuzaga kelishidir. Har qanday dori vositasi, kontrast modda yoki yodga nisbatan allergiyangiz yoki sezgirligingiz boʻlsa, radiologni xabardor qilish muhimdir. Endovaskulyar spiral qoʻyishdagi ayrim umumiy xavflar va asoratlar quyidagilardan iborat:
- Hushni yoʻqotish
- Spirallarning anevrizma yoki qon tomirini teshib oʻtishi
- Qon ketish
- Tromb (qon laxtasi)
- Falaj
- Insult
- Qon toʻplanishi tufayli yuzaga keladigan shish
- Nutq qobiliyatini yoʻqotish yoki nutq muammosi
- Infeksiya
- Aevrizmaning yorilishi
- Sondagi gematoma
Endovaskulyar spiral qoʻyishning afzalliklari
Spiral qoʻyishning umumiy afzalliklaridan biri shundaki, u katta kesmani talab qilmaydigan kam invaziv muolajadir.
- Kam invaziv muolajalar davolanish vaqtida uxlash yoki uygʻoq boʻlish imkoniyatini beradi
- Tez va oson tiklanish
- Anʼanaviy jarrohlik amaliyotining xavflarini keltirib chiqarmaydi
Hindistonda endovaskulyar spiral qoʻyish narxi
Hindistonda endovaskulyar spiral qoʻyish narxi hamyonbop boʻlib, tibbiy muassasalar yuqori darajada taʼminlangan. Boshdan-oyoq, yaʼni davolanishning boshlangʻich bosqichidan tortib to jarrohlik amaliyotigacha yoki har qanday murakkab holatlargacha Hindistonning yetakchi jarrohlari tomonidan osonlikcha hal etilishi mumkin. Hindiston hamyonbop narxlarda sifatli tibbiy yordam koʻrsatadigan tibbiy markazlar markazidir.
Hindistondagi yetakchi neyroxirurglar oʻz bemorlariga eng yaxshi xizmatlarni va yuqori aniqlikni taqdim etadilar.
Biroq, davolanishning umumiy narxi bir nechta omillarga qarab farq qilishi mumkin. Bu omillarga jarrohning tajribasi, implant turi, shifoxonaning joylashuvi va boshqalar kiradi.
Xulosa
Endovaskulyar spiral qoʻyishanevrizmaga qon oqimini toʻxtatish uchun ishlatiladi. Boshqacha qilib aytganda, anevrizma – arteriya devorining zaiflashgan sohasi. Muolajani bajarish uchun tibbiyot xodimlari endovaskulyar spiral qoʻyish maqsadida son arteriyasiga kateter deb ataladigan yupqa naychani kiritadilar.
Endovaskulyar spiral qoʻyish – anevrizmaga qon oqimini toʻxtatish hamda uning yorilishi va qon ketish xavfini kamaytirishda foydali boʻlgan kam invaziv muolaja.
