Umumiy koʻrinish
Bosh miya anevrizmasi, shuningdek, miya anevrizmasi deb ham ataladi, miyadagi arteriyaning kichik va yupqa qismi boʻlib, u boʻrtib chiqadi va qon bilan toʻladi. Natijada, boʻrtib chiqqan anevrizma nervlar yoki miya toʻqimalariga kuchlanish yoki bosim beradi. Shuningdek, bu yorilishga olib kelishi mumkin, natijada qon atrofdagi toʻqimalarga quyiladi, bu gemorragiya deb ataladi. Binobarin, yorilgan anevrizma gemorragik insult, miya shikastlanishi, koma yoki baʼzan oʻlim kabi hayot uchun xavfli holat boʻlishi mumkin.
Biroq, baʼzi bosh miya anevrizmalari qonamaydi, oʻlchami juda kichik boʻladi yoki boshqa asoratlarni keltirib chiqarmaydi. Aevrizmaning bunday turlari boshqa tibbiy muammolar uchun tasviriy tekshiruvlar (diagnostika) oʻtkazilayotganda aniqlanadi. Bosh miya anevrizmalari miyaning istalgan qismida uchrashi mumkin, ammo ularning aksariyati bosh suyagi asosidagi yirik arteriyalar boʻylab rivojlanadi.
Bosh miya anevrizmalari har qanday yoshda va miyaning istalgan joyida paydo boʻlishi mumkin. Shunga qaramay, ular eng koʻp 30 dan 60 yoshgacha boʻlgan kattalarda uchraydi va erkaklarga qaraganda ayollarda koʻproq kuzatiladi. Bundan tashqari, baʼzi bemorlar irsiy kasalliklar tufayli yuqori xavf guruhiga kiradilar.
Bosh miya anevrizmasining alomatlari
Yorilmagan anevrizma
Bosh miya anevrizmasi ular yorilmaguncha yoki hajmi kengaymaguncha hech qanday alomat koʻrsatmaydi. Kichik oʻlchamdagi turgʻun anevrizmalar hech qanday alomat bermaydi.
Tezroq rivojlanib, kengayib borayotgan anevrizma toʻqimalar va nervlarga bosim oʻtkazishi mumkin, bu quyidagilarga olib keladi:
- Uyushish hissi
- Koʻz ustida va orqasida ogʻriq
- Zaiflik
- Yuzning bir tomonlama falaji
- Koʻz qorachigʻining kengayishi
- Koʻrishning xiralashishi yoki ikki boʻlib koʻrinishi
Yorilgan anevrizma
Yorilgan anevrizma yoki anevrizmaning yorilishi kutilmagan va kuchli bosh ogʻrigʻini keltirib chiqaradi, aslida bu hech kim ilgari boshidan kechirmagan turdagi bosh ogʻrigʻidir. Bu holat quyidagilar bilan kechishi mumkin:
- Ikki boʻlib koʻrinishi
- Koʻngil aynishi
- Qayt qilish
- Boʻyin qotishi
- tutqanoqlar (tirishishlar)
- Nurga nisbatan sezuvchanlik
- Hushni yoʻqotish
- Yurak toʻxtashi
Anevrizma turlari
Asosan anevrizmaning uch turi mavjud boʻlib, ularga quyidagilar kiradi:
- Sakkulyar (xaltasimon) anevrizma: Sakkulyar anevrizma ichida qon boʻlgan dumaloq shakldagi xalta boʻlib, u asosiy arteriyaga yoki uning tarmoqlaridan biriga ulangan. Bu, shuningdek, gilamcha shaklidagi (berry) anevrizma deb ham ataladi va bosh miya anevrizmasining eng keng tarqalgan turlaridan biridir. Odatda miya asosidagi arteriyalarda topiladi. Sakkulyar anevrizma eng koʻp kattalarda uchraydi va aholining taxminan 2-3 foizini tashkil qiladi.
- Fuziform (durtgichsimon) anevrizma: Fuziform anevrizma arteriyaning barcha tomonlaridan shishib chiqadi yoki boʻrtib chiqadi.
- Mikotik anevrizma: Mikotik anevrizma infeksiya miya arteriyalariga jiddiy taʼsir koʻrsatganda sodir boʻladi. Infeksiya arteriya devorini zaiflashtiradi va boʻrtib chiqqan anevrizmaning rivojlanishiga olib keladi.
Bosh miya anevrizmasining sabablari
Bosh miya anevrizmasining rivojlanishi miya arteriyalari devorlari yupqalashib, zaiflashganda sodir boʻladi. Anevrizma arteriyalarning boshlangʻich yoki tarmoqlanish nuqtalarida rivojlanadi, chunki bu nuqtalar eng zaif joylardir. Bosh miya anevrizmasi tugʻma boʻlishi mumkin yoki arteriya devorining gʻayritabiiy holatiga olib kelishi mumkin.
Bosh miya anevrizmasining xavf omillari
Bosh miya anevrizmasining irsiy xavf omillariga quyidagilar kiradi:
- Birlashtiruvchi toʻqimaning irsiy kasalligi
- Polikistoz buyrak kasalligi
- Arteriyovenoz malformatsiya
- Birinchi darajali qon-qarindoshlar orasida anevrizma tarixi
Vaqt oʻtishi bilan rivojlanadigan boshqa tegishli xavf omillaridan baʼzilari:
- Sigareta chekish
- 40 yoshdan oshish
- Davolanmagan yuqori qon bosimi
- Giyohvand moddalarni isteʼmol qilish
Kamroq uchraydigan xavf omillariga quyidagilar kiradi:
- Bosh jarohati
- Miya shishi
- Arteriya devoridagi infeksiya
Hindistonda bosh miya anevrizmasini davolash narxi
Hindistonda bosh miya anevrizmasini davolash narxi hamyonbop, shu bilan birga davolash sifatiga putur yetkazilmaydi. Aslida, davolash narxi boshqa mamlakatlarga qaraganda ancha tejamkor.
Shunga qaramay, davolashning umumiy qiymati shifoxonani tanlash, shifoxonada qolish muddati, jarrohning malakasi, jarrohlik turi, operatsiyada ishlatiladigan komponentlar va boshqa turli omillarga qarab farq qilishi mumkin.
Bundan tashqari, Hindiston tibbiy davolanish markazi boʻlib, xalqaro bemorlar ilgʻor davolanish uchun hamyonbop narxlarda, qolaversa davolash sifatiga putur yetkazmagan holda murojaat qilmoqdalar.
Xulosa
Bosh miya anevrizmasi, shuningdek, miya anevrizmasi deb ham ataladi, miyadagi arteriyaning kichik va yupqa qismi boʻlib, u boʻrtib chiqadi va qon bilan toʻladi.
Bosh miya anevrizmasi ular yorilmaguncha yoki hajmi kengaymaguncha hech qanday alomat koʻrsatmaydi.
Baʼzi bosh miya anevrizmalari qonamaydi, oʻlchami juda kichik boʻladi yoki boshqa asoratlarni keltirib chiqarmaydi. Anevrizmaning bunday turlari boshqa tibbiy muammolar uchun tasviriy tekshiruvlar oʻtkazilayotganda aniqlanadi.
