Umumiy koʻrinish
Bosh miya angioplastikasi miyadagi qon tomirining stenozini (torayishini) yoki toʻliq okklyuziyasini (tiqilib qolishini) davolaydigan muolajadir. Natijada, ushbu muolaja qon oqimi va kislorod taʼminotining kamayishiga olib keladi. Oʻz navbatida, bu insult yoki boshqa nevrologik muammolarni keltirib chiqarishi mumkin. Hindistonda bosh miya angioplastikasi neyrointerventsion radiolog yoki interventsion neyroradiolog tomonidan bajariladigan malakali endovaskulyar muolajadir. Oddiy qilib aytganda, bosh miya angioplastikasi miya qon tomirlaridagi tiqilmalarni davolash uchun ishlatiladigan kam invaziv muolajadir. Aniqroq aytganda, bu usul toraygan yoki tiqilib qolgan tomirlarga kirish va ularni tiklash uchun ishlatiladigan yupqa naycha – kateter yordamida amalga oshiriladi, shuningdek, bu miyaga qon oqimini toʻgʻri tiklaydi.
Bosh miya angioplastikasini oʻtkazish tartibi
Bosh miya angioplastikasini oʻtkazish tartibi quyidagilarni oʻz ichiga oladi:
- Bosh miya angioplastikasi muolajasini boshlashdan oldin bemorga mahalliy ogʻriqsizlantirish (anesteziya) beriladi. Qon tomirlariga kirish uchun son yoki bilak qismida kichik kesma qilinadi. Yupqa va egiluvchan kateter arteriyalar boʻylab miyadagi sohaga qarab yoʻnaltiriladi. Kateterni aniq boshqarish uchun rentgen va fluoroskopiya kabi tasvirlash usullaridan foydalaniladi.
- Tiqilmaning aniq joyi topilgandan soʻng, uning uchidagi kichik balon shishiriladi. Balon ishlatadigan kuch yoki bosim blyashka yoki laxtakni tomir devoriga siqib qoʻyadi va tiqilib qolgan yoki toraygan qismni kengaytiradi. Ayrim hollarda, strukturaviy yordam koʻrsatish va tomirning oʻtkazuvchanligini saqlab qolish uchun stent (kichik naycha) qoʻyiladi.
- Angioplastika tugagandan soʻng, balon hajmi kichchaytiriladi va kateter chiqarib olinadi.
- Tomirdagi qon oqimi tiklanadi, bu esa insult yoki miya bilan bogʻliq boshqa asoratlar xavfini kamaytiradi.
Bosh miya angioplastikasi yordamida davolanadigan holatlar
Bosh miya angioplastikasi miyadagi tiqilib qolgan umurtqa (vertebral) va uyqu (karotid) arteriyalarini ochish uchun bajariladi. Bu boʻyin va miyadagi qon tomirlarida amalga oshiriladi.
Bosh miya angioplastikasi bilan davolanadigan holatlarga quyidagilar kiradi:
- Ateroskleroz
- Yurak ishemik kasalligi
Bosh miya angioplastikasi uchun nomzod
Bosh miya angioplastikasi ushbu holatlarga ega bemorlarga tavsiya etiladi:
- Uyqu arteriyasi 70% yoki undan koʻproq tiqilib qolgan bemorlar
- Yurak xuruji yoki oʻpka kasalligi kabi sogʻligʻida muammolari boʻlgan odamlar
- Ilgari uyqu arteriyasi endarterektomiyasi qilingan va restenozni boshdan kechirayotganlar
- Stenozning aniq joyini uyqu arteriyasi endarterektomiyasi yordamida topish qiyin boʻlsa
- Jiddiy insultga olib kelishi mumkin boʻlgan tez-tez takrorlanadigan hushdan ketish (sinkop) xurujlari
Bosh miya angioplastikasining xavflari va asoratlari
Bosh miya angioplastikasining umumiy nojoʻya taʼsirlariga quyidagilar kiradi:
- Kuchli qon ketish
- Infektsiya
- Kontrast moddaga nisbatan allergik reaksiya
Bosh miya angioplastikasining baʼzi umumiy asoratlariga quyidagilar kiradi:
- Insult
- Shikastlanish
- Buyrak shikastlanishi
- Yurak xuruji
- Qon laxtalari
- Yurak aritmiyasi
- Restenoz
Bosh miya angioplastikasining afzalliklari
Bosh miya angioplastikasining uni qulayroq qiladigan baʼzi afzalliklari:
- Bu tiqilib qolgan uyqu arteriyalarini davolovchi anʼanaviy jarrohlik – uyqu arteriyasi endarterektomiyasiga qaraganda kamroq invaziv yondashuv turidir.
- Bu operatsiya bemor hushida boʻlgan paytda bajarilishi mumkin. Bu tiklanish uchun kamroq vaqt talab etadi.
- Shuningdek, u ilgari tiqilib qolgan uyqu arteriyalari orqali qon oqimini tiklashda foydalidir. Bu insult xavfini kamaytirishga olib keladi.
Hindistonda bosh miya angioplastikasi narxi
Hindistonda bosh miya angioplastikasining narxi hamyonbop, shu bilan birga davolash sifatiga putur yetkazilmaydi. Aslida, davolanish narxi boshqa mamlakatlarga qaraganda ancha tejamkor.
Bundan tashqari, Hindiston tibbiy davolanish markazi boʻlib, xalqaro bemorlar ilgʻor davolanish uchun hamyonbop narxlarda, qolaversa davolash sifatiga putur yetkazmagan holda kelishadi. Hindistonda tajribali va malakali tibbiyot xodimlari, shuningdek, ilgʻor tibbiy muassasalar mavjud. Natijada, Hindiston eng yaxshi tibbiy xizmatlarni taqdim etuvchi yetakchi davlatlar qatoriga kiradi.
Biroq, davolanishning umumiy narxi kasalxonani tanlash, kasalxonada qolish muddati, jarrohning tajribasi, operatsiya turi, operatsiyada ishlatiladigan komponentlar va boshqalar kabi turli omillarga qarab farq qilishi mumkin.
Xulosa
Bosh miya angioplastikasi miyadagi qon tomirining stenozini (torayishini) yoki toʻliq okklyuziyasini (tiqilib qolishini) davolaydigan muolajadir.
Oddiy qilib aytganda, bosh miya angioplastikasi miya qon tomirlaridagi tiqilmalarni davolash uchun ishlatiladigan kam invaziv muolajadir.
Bu usul toraygan yoki tiqilib qolgan tomirlarga kirish va ularni tiklash uchun ishlatiladigan yupqa naycha – kateter yordamida amalga oshiriladi.
